Shumica e popullit serb është kundër anëtarësimit në Bashkimin Evropian. Kështu ka deklaruar sot për mediat presidenti serb Aleksandër Vuçiç në përfundim të Samitit të Procesit të Brdo-Brionit në Slloveni.
“Sot po të mbahej referendum në Serbi, populli jonë do të votonte kundër anëtarësimit në BE”, ka thënë Vuçiç, raporton “B92”.
Presidenti u shpreh se: “Duhet të theksojmë se në këtë moment ndjenja e përbashkët publike në Serbi lidhur me anëtarësimin në BE është mjaft negative dhe e njëjta është edhe në një pjesë të Bosnjës”.
Ai shtoi se “80 për qind janë kundër anëtarësimit të Serbisë në BE. Llogaritet si një rajon anti-evropian”.
Serbia ka refuzuar të vendosë sanksione ndaj Rusisë, me gjithë thirrjet e Brukselit zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
