Moska shkëmben disa të burgosur me Perëndimin

<p>Shërbimi Federal i Sigurisë i Rusisë (FSB) ka njoftuar zyrtarisht se tetë shtetas rusë janë kthyer në atdhe e tyre pas shkëmbimit të të burgosurve mes Moskës dhe Perëndimit në Ankara të enjten.</p> <p>Në një deklaratë të shpërndarë nga mediat, FSB njoftoi se shkëmbimi u bë i mundur falë punës sistematike të agjencive qeveritare ruse dhe partnerëve të huaj.</p> <p>Shtetasit rusë u shkëmbyen me një grup individësh që “vepruan në interes të shteteve të huaja në dëm të sigurisë së Federatës Ruse”.</p> <p>FSB bëri të ditur se së bashku me tetë shtetasit rusë, në atdheun e tyre janë kthyer edhe fëmijë të mitur.</p> <p>Emrat e shtetasve rusë të liruar nga Perëndimi ende nuk janë bërë të ditur zyrtarisht.</p> <p>Megjithatë, është konfirmuar se Moska ka liruar gjithsej 16 shtetas të huaj përmes shkëmbimit, duke përfshirë reporterin e Wall Street Journal Evan Gershkovich, ish-marinsin amerikan Paul Whelan, gazetaren Alsu Kurmasheva dhe shtetasin britaniko-rus Vladimir Kara-Murza.</p> <p>&nbsp;</p> <p>&nbsp;</p>