Vendimi i gjykatës së arbitrazhit, i publikuar ekskluzivisht nga MCN lidhur me çështjen Beketi, ishte bazë për padinë që Partia Demokratike depozitoi në SPAK.
Një ditë pasi dorëzoi kallëzimin në Prokurorinë e Posaçme, sekretari për për çështjet zgjedhore Ivi Kaso tha në një lidhje për edicionin e lajmeve në MCN se edhe objekti i padisë ishin pikërisht konkluzionet e arbitrazhit për rolin e kryeministrit, sekretarit të përgjithshëm Agaçi dhe të tjerë personave të impplikuar që përmenden në dosje.
I pyetur nëse selia blu disponon vendimin e plotë të arbitrazhit, Kaso tha se maja e ajsbergut për të cilën foli edhe kryetari Basha mund të çojë para drejtësisë të tjerë persona.
Kaso shpjegon edhe ligjin e paralajmëruar nga kreu i opozitës për atë që njihet si ‘kalimi i përgjegjësisë financiare për një dëm të shkaktuar interesit publik si përgjegjësi personale e individëve që e kryejnë".
Në padinë e depoztuar në SPAK kryeministri Edi Rama, sekretari i përgjithshëm i Këshillit të Ministrave, Engjëll Agaçi, kryebashkiaku Erjon Veliaj dhe ish-drejtues të Top Channel akuzohen për shpërdorim të detyrës dhe moskallëezim krimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
