Helmimi i kundërshtarit rus, Alexei Navalny, me shumë gjasa u orkestrua nga "zyrtarë të lartë" të qeverisë ruse. Ky është dyshimi i hedhur nga shefi i diplomacisë amerikane, Mike Pompeo, të mërkurën.
Pompeo përsëriti se Uashingtoni dhe të gjithë aleatët e tij evropianë duan që Rusia "të mbajë përgjegjësi", duke shtuar se Shtetet e Bashkuara do të përpiqen të identifikojnë fajtorët: "Është një gjë që ne do ta shqyrtojmë, vlerësojmë dhe do të sigurohemi që të bëjmë gjënë e duhur për të zvogëluar gjasat që diçka e ngjashme të ndodhë përsëri", shpjegoi ai.
Presidenti amerikan, Donald Trump, shpesh i akuzuar se ka qenë i butë përpara Vladimir Putinit, tha javën e kaluar se ai "nuk i ka parë ende" provat e helmimit të Navalnit, ndërsa Gjermania tashmë ka pohuar se ai është helmuar nga një agjent nervor i tipit Noviçok.
Rusia siguron se asnjë gjurmë helmi nuk është zbuluar nga mjekët në trupin e Navalnit dhe vë në dyshim versionin e evropianëve, duke e konsideruar atë një "fushatë dezinformimi" për të vendosur sanksione të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
