Pavarësisht sasisë së madhe të reshjeve të shiut të ditëve të fundit, në HEC-et e vendit situata paraqitet nën kontroll. Korporata Elektroenergjitike vijon orë pas ore të monitorojë nivelin e ujrave si dhe prurjet në kaskadën e lumit Drin. Sipas KESH, niveli i liqeneve mëngjesin e sotëm ishte si më poshtë:
Fierza 282.71 m
Koman 172.82m
Vau i Dejës 75.02 m
Prodhimi vijon te jetë me kapacitet të plotë në HEC Koman dhe HEC Vau i Dejës. Prurjet natyrore totale në kaskadë për momentin janë 1920 m3/s.
Shkarkimet nga vetëm njëra portë e HEC Vau i Dejës arrijnë në 700m3/s ndërsa në HEC Koman 200 m3/s.
KESH bën të ditur se shkarkimet nga këto dy HEC-e nuk ndikojnë në nivelin e ujrave në kanalin e shkarkimit si dhe në zonat e NënShkodrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
