Një gjurmë dinosauri që i përket një "gjigandi të vërtetë Jurasik" është zbuluar në bregdetin e Yorkshire. Gjurma, që thuhet të jetë më e madhja, u gjet nga arkeologia Marie Woods.
"Unë fillimisht kisha shkuar për të mbledhur butak për darkë, por u tërhoqa plotësisht nga kjo kafshë", shkroi ajo në Twitter.
Ekspertët besojnë se ajo u la nga një dinosaur i madh që hante mish me një gjatësi trupore deri në 9 metra.
Zonja Woods tha se ajo kishte qenë duke mbledhur butak dhe ishte tronditur kur u përball me gjurmën e madhe me tre gishta. "Nuk mblodha shumë pasi pashë atë," tha ajo.
Pas zbulimit të saj, Woods kontaktoi specialistë, përfshirë paleontologun Dr Dean Lomax, autor i Dinosaurëve të Ishujve Britanikë.
Ai e përshkroi atë si "një gjigant të vërtetë Jurasik", duke shtuar se ishte "gjurma më e madhe e gjetur ndonjëherë në Yorkshire".
"Ajo i përkiste një dinosauri të madh që hante mish, ndoshta një Megalosaurus, i cili jetoi midis 164 dhe 175 milionë vjet më parë", tha Dr Lomax.
Ai shtoi se zbulimi i Woods në të vërtetë kishte rezultuar të jetë "një rizbulim", pasi ishte parë pjesërisht nga koleksionisti i fosileve Rob Taylor në nëntor 2020.
Sidoqoftë, pavarësisht se Taylor postoi fotografi të gjetjes së tij në një grup në Facebook kushtuar fosileve të Yorkshire, ai nuk ishte ekspozuar plotësisht në atë kohë dhe rëndësia e tij e vërtetë nuk ishte realizuar, tha Lomax.
Nëse është i suksesshëm, ai do të shfaqet në Muzeun Rotunda në Scarborough.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
