Franca po përballet me një thatësirë të madhe, e përkeqësuar nga një valë e tretë e të nxehtit për këtë verë.
Të gjendur në këto kushte, autoritetet kanë vendosur kufizime të furnizimit me ujë.
"Kjo thatësirë është më e keqja e regjistruar ndonjëherë në vendin tonë... situata mund të vazhdojë për dy javët e ardhshme ose të bëhet edhe më e rëndë," thuhet në një deklaratë të kryeministrisë.
“Kushtet e thata janë një "katastrofë" për fermerët në të gjithë vendin, si dhe për "ekosistemet dhe biodiversitetin tonë", thuhet më tej.
Dhe temperaturat në rritje kanë rritur avullimin e liqeneve dhe lumenjve, nivelet e të cilëve kanë rënë, ndërsa nevojat për ujitje po rriten përpara korrjeve të vjeshtës.
“Përballë kësaj situate historike, kryeministrja ka vendosur të aktivizojë një task-forcë ndërinstitucionale të krizës dhe u kërkon të gjithëve të ruajnë burimet tona ujore”, tha zyra e saj.
Por deklarata nuk adresoi kritikat në rritje për përjashtimin që u është bërë nga kufizimi fushave të golfit, të cilat po lejohen të vazhdojnë të ujitin barin edhe në kulmin e krizën së thatësirës.
Disa vende të tjera evropiane kanë lëshuar gjithashtu paralajmërime të rënda për thatësirën, ndërsa BE-ja u kërkuar anëtarëve këtë javë që të ripërdorin ujërat e zeza urbane të trajtuara.
Kriza ka ndezur frikën se rendimentet e drithërave dhe kulturave të tjera do të vuajnë, duke rritur më tej çmimet e ushqimeve tashmë mjaftueshëm të larta për shkak të luftës në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
