Putin urdhëron gatishmëri të lartë në sistemin e mbrojtjes bërthamore

Presidenti i Rusisë, Vladimir Putin, urdhëron gatishmëri të lartë të sistemit rus të mbrojtjes bërthamore.

Një deklaratë e tillë u bë nga lideri i Kremlinit, gjatë një takimi me ministrin e Mbrojtjes, Sergei Shoigu dhe shefin e Shtabit të Përgjithshëm, Valery Gerasimov.

“Vendet perëndimore dhe jo vetëm po ndërmarrin veprime jomiqësore ndaj vendit tonë në sferën ekonomike, e kam fjalën për ato sanksione që të gjithë i dinë mirë, por edhe zyrtarët e lartë të vendeve kryesore të NATO-s po bëjnë deklarata agresive kundër vendit tonë. Po tentojnë të pengojnë Rusinë, dhe për t’u përgjigjur duhet të vendosim në gatishmëri të lartë, forcat e parandalimit bërthamor”, deklaroi Putin.

Fjalët e tij u cituan në një deklaratë të shpërndarë nga ministria ruse e Mbrojtjes, raporton Ria Novosti.

Më tej thuhet se më 21 shkurt, në përgjigje të apelit të Republikave Popullore të Donetsk dhe Luhansk me një kërkesë për të njohur sovranitetin e tyre, Putin nënshkroi dekretet përkatëse dhe më 24 shkurt ai njoftoi fillimin e një operacioni të posaçëm ushtarak për çmilitarizimin dhe denazifikimin e Ukrainës.