Gjyqtarja e Gjykatës Kushtetuese, Vitore Tushe është propozuar nga presidenti Ilir Meta si kandidate për të marrë drejtimin e Kontrollit të Lartë të Shtetit. Emri i Vitore Tushës është përzgjedhur nga presidenti për t’ju propozuar Kuvendit ditën e nesërme.
Në një njoftim Presidenca shkruan se Vitore Tushs, gëzon një integritet të lartë moral dhe profesional, e konfirmuar edhe në rrugë istitucionale.
Pas realizimit të një procesi transparent dhe objektiv, presidenti ka arritur në konkluzionin se Tusha plotëson kushtet dhe kriteret ligjore, si dhe është kandidatura më e përshtatshme për t’u zgjedhur në këtë pozicion kushtetues, bazuar në eksperiencën solide dhe kontributin e pandërperë.
"Vitore Tusha plotëson kushtet dhe kriteret ligjore, si dhe është kandidatura më e përshtatshme për tu zgjedhur në këtë pozicion kushtetues, bazuar në eksperiencën solide dhe kontributin e pandërperë të znj.Tusha, në fushën e jurispudencës, si në sistemin gjyqësor, ashtu dhe referuar angazhimeve të saj akademike si pedagoge në institucionet e arsimit të lartë në fushën e së drejtës, trajnuese dhe pedagoge në Shkollën e Magjistraturës, apo edhe si eksperte në fushën e së drejtës kushtetuese e më gjerë" , thuhet në njoftimin e presidences.
Aktualisht anëtare në detyrë e Gjykatës Kushtetuese të cilës i ka mbaruar mandati në këtë funksion që prej datës 10 mars 2017, ka kaluar me sukses edhe procesin e Vettingut.
"Tusha gëzon një integritet të lartë moral dhe profesional, e konfirmuar edhe në rrugë istitucionale, ajo është konfirmuar në detyrë dhe ka kaluar me sukses dhe me vendim të formës së prerë, procesin e rivlerësimit kalimtar (vettingun), për të gjithë komponentët e këtij procesi, duke krijuar bindjen se kandidatura e saj është e denjë për tu zgjedhur si Kryetar i Kontrollit ë Lartë të Shtetit", thotë Presidenca.
Kreut aktual të KLSH-së, Bujar Leskaj i mbaron mandati 7-vjeçar në fund të dhjetorit dhe garës së hapur nga presidenca për postin e kryetarit të KLSH-së. Për këtë pozicion ishin 34 emra në garë, mes tyre edhe figura të politikës dhe botës akademike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
