Javët e fundit në Evropë ka pasur mendime të ndryshme për luftën në Ukrainë. Por takimi i udhëheqësve të G7 në Bavari duket i vendosur për të qëndruar një front të bashkuar.
Presidenti Biden tha se Vladimir Putin kishte llogaritur në ndarjen e G7 dhe aleancës së NATO-s. “Por ne nuk e kemi bërë dhe s’do ta bëjmë”, tha ai.
Boris Johnson pranoi se ka ankth mbi luftën dhe udhëheqësit perëndimorë duhet të jenë të sinqertë mbi këtë fakt. Por ai këmbënguli që G7-ja të mbetet e bashkuar.
Në një takim me presidentin Macron të Francës, i cili ka komunikim të vazhdueshëm me Presidentin Putin, Johnson theksoi se çdo përpjekje për të zgjidhur konfliktin tani do të shkaktonte vetëm paqëndrueshmëri.
Kryeministri i tha gjithashtu homologut të tij kanadez, Justin Trudeau, se konflikti ishte në teh të thikës dhe Perëndimi duhej të kthente balancën e luftës në favor të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
