Paleontologët në Argjentinë kanë zbuluar një specie të re dinozauri, me krahë të shkurtër, në mënyrë disproporcionale si ato të Tyrannosaurus Rex.
Një fosil i Meraxes gigas, siç është quajtur dinozauri i ri, u gjet në atë që tani është rajoni verior i Patagonisë në Argjentinë.
U zbulua se krijesa ishte 11 metra e gjatë dhe peshonte më shumë se katër ton, sipas një studimi, botuar në revistën Current Biology, raporton CNN.
Në atë kohë zona ka qenë e nxehtë dhe lagësht me shumë rrugë ujore dhe bimësi duke përfshirë pemë të mëdha.
Kështu tha Juan Canale, drejtuesi i projektit në Muzeun Paleontologjik Ernesto Bachmann në Neuquén, Argjentinë.
Sipas studimit, mishngrënësi është nga grupi i dinozaurëve Carcharodontosauridae, i cili ka jetuar në periudhën e Kretakut, 145 deri në 66 milionë vjet më parë.
Një grup fosilesh Carcharodontosauridae janë gjetur në 30 vitet e fundit, por shumë pak dihej për kafkën, parakrahët ose këmbët e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
