Protestuesit rrëzojnë statujën e babait të Asadit në periferi të Damaskut

Protestuesit antiqeveritar rrëzuan një statujë të babait të ndjerë të presidentit sirian Bashar al-Assad, Hafez, në periferi të Damaskut.

Një dëshmitar tha përmes telefonit se pa "dhjetëra protestues" duke rrëzuar statujën në një shesh kryesor në Jaramana, i cili mban emrin e ish-presidentit.

Një tjetër dëshmitar tha se statuja ishte thyer kur ai shkoi pranë sheshit më vonë.

Pamjet video që qarkullojnë në internet dhe të verifikuara nga AFP tregojnë të rinjtë duke rrëzuar statujën dhe duke brohoritur parulla kundër Asadit.