Eksperti fiskal Eduard Gjokutaj në një lidhje skype për ‘MCN Economy’ ka deklaruar se Banka e Shqipërisë nuk mund të mbajë sekret një tender aq më tepër nëse kemi të bëjmë dhe me humbje. Ai tha se duke u ndalur veçanërisht tek ish-hotel Dajti informacioni mbi këtë tender nuk duhet konsideruar si konfidencial.
Ky transaksion i ngjan pak atyre të pastrimit të parave që s’janë të lidhura direkt me interesin e palëve. Ishte një transaksion që nuk ishte i kërkuar nga Banka e Shqipërisë. Do thoja se pjesa e sekretit është pak e diskutueshme në logjikën e konfidencialitetit sepse këto janë pjesë e bilancit të bankës dhe në rast se kemi të bëjmë me bilanc të humbjes jepet llogari. Informacioni mbi tenderin e ish-hotel Dajti nuk duhet konsideruar si konfidencial. Nga ana tjetër dhe ndikimi do e konsideroja se në një rast këmbëngulje nga ana e medias nuk mund të jetë pjesë e sekretit për aq kohë sa është pjesë e shpenzimeve bankare. Pastaj ka një grup institucionesh që janë më komod të paguajnë gjobën, por do ishte në interesin e publikut që banka e Shqipërisë duhet të jetë më diskrete me atë se çfarë ndodh.
Më tej ai u shpreh se Banka e Shqipërisë duhet të jetë në krye të transparencës institucionale kur kemi të bëjmë me ndryshime statuo.
Politika e bankës së Shqipërisë duhet të jetë transparente, nga ana tjetër rritja e normave të interesit është një tjetër statuo, por ndërkohë duhet dhe ministria e financave në sinkron me bankën e Shqipërisë duhet stabiliteti financiar dhe tregu i këmbimit valutor që ndikojnë ndjeshëm në eksporte. Politika e bankës së Shqipërisë duhet të jetë e hapur çfarë ka ndryshuar në qasjet e saj. Pjesa që banka ka është pjesa e marrëdhënieve me qeverinë që janë jo interesante me tregun dhe ekonominë. Shpenzime të kësaj natyre për bilance të bankës dhe institucioneve të tjera e kanë të detyrueshme transparencën për çdo shpenzim që bëjnë. Banka mund të mbajë sekret operacionet që lidhen me politikat e caktuar, ndërsa ky është një shpenzim.
Në fund Goklutaj tha se informaliteti duhet të ishte një nga shqetësimet më të mëdha të bankës së Shqipërisë i cili ndikon te inflacioni apo ekonomia.
Dixhiltalimi duhet të jetë i njëjtë për të gjithë, ndërsa duhet të veçoja se tregu valutor ka kontrolle të pakta që ushtrohen dhe nga ana tjetër performanca duhet matur në vazhdimësi se si i zbatojnë politikat e tyre bankat sepse në fund është qytetari ai që i shtrenjtohet çdo gjë. Dhe në këtë rast duhet të ndërhyjë banka e Shqipërisë. Informaliteti duhet të ishte një nga shqetësimet më të mëdha të bankës së Shqipërisë i cili ndikon te inflacioni, ekonomia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
