Vdekja misterioze e një punonjësi 27-vjeçar në Itali po hetohet nga policia dhe prokuroria. Ngjarja ka ndodhur në Certosa, ku 27-vjeçari shqiptar Erion Myrtaj ka vdekur në vendin e punës. Myrtaj punonte për Rhenus, një kompani nënkrontraktore për llogari të gjigantit të mobiljeve Ikea.
I riu shqiptar ka ndërruar jetë të martën pasdite, ndërsa gjatë gjithë ditës kishte transportuar mobilje nëpër shkallë. Pasi është ndier keq, pronarët e shtëpisë kanë njoftuar ambulancën, por fatkeqësisht për të nuk mund të bëhej më asgjë.
Prokuroria ka urdhëruar nisjen e një hetimi në lidhje me këtë rast. Kolegët e përshkruajnë Erionin si një djalë të fortë dhe të shkathët, që transportonte çdo ditë mobilje për pak euro.
“Kishte vetëm dy ditë që kishte nisur punë”, tregon i ati, Shpëtim Myrtaj, shofer kamioni, që jeton në Cornigliano.
“Lodhej sepse puna ishte e rëndë dhe mallin e transportonte vetë. Nuk na rezulton t’i jetë nënshtruar ndonjë kontrolli. Duam të dimë se çfarë ndodhi me të”, tregon i ati.
Qëllim i hetimit të hapur në lidhje me këtë rast është të shyrtohet dokumentacioni i kompanive si ajo në fjalë dhe kontrollet apo kriteret që ato vënë për punonjësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
