Këngëtari nga Tepelena, Aldo Hoxha, prezantoj sot për shikuesit e programit të mëngjesit “Zgjohu me MCN”, këngën më të re me titullin “O zogu që rri në portë”.
Hoxha, thotë se vendosi të marrë këtë këngë Labërie duke e sjellë si këngë dasmash, e cila që n fillim u prit mirë nga publiku.
E kam vënë vet si titull zogu sepse vajzave u themi zogu, jo zogëza.
Kënga erdhi shumë spontanisht në një dasmë familjare, njëri që po e këndonte si këngë labçe, dhe unë si tip ‘hajduti’ që jam, e ‘vodha’, dhe e solla këngën si për dasma.
Është këngë e bukur, sepse tregu ynë muzikor tashmë është mbingarkuar me këngë popullore me tekste pa kuptim. Popullorja është bërë si muzika rep, katër llafë-5 minuta këngë.
Shpresoj se si një këngë dasmash me kuptim, si një këngë valleje, kënga do të ec mirë.
Kam të prenotuara këtë verë diku te 40 dasma, dhe besoj kënga do të kërkohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
