Prokuroria e Posaçme Kundër Korrupsionit dhe Krimit të Organizuar ose SPAK, ka nisur procedimin penal ndaj ish-zëvendësministres së Brendshme, Rovena Voda për akuzën e korrupsionit.
Sipas njoftimit të SPAK, Voda dyshohet se u ka marrë para dy shtetaseve, me qëllim për të ndërhyrë dhe emërruar ato në funksione publike.
“Janë krijuar dyshime të arsyeshme se shtetasja Rovena Voda në cilësinë e Zëvendësministres në Ministrinë e Brendshme, ka pranuar dhe ka marrë përfitime monetare dhe përfitime materiale të padrejta në këtë rast janë dhënë dhe janë pranuar me qëllim që shtetasja Rovenda Voda të ushtronte ndikim të paligjshëm te persona të tjerë që ushtrojnë funksione publike, për të favorizuar në mënyrë të padrejtë shtetasen Florida Beu, në mënyrë që kjo e fundit të emërohej punonjëse në shërbim civil në kategorinë ekzekutive”, thuhet në materialin e SPAK.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
