Kuvendi i Shqipërisë miratoi të mërkurën projektligjin “Për organizimin dhe funksionimin e Gjykatës Kushtetuese” të ndryshuar”. Ligji i ri i merr Presidentit Ilir Meta të drejtën e betimit të gjyqtarëve të Gjykatës Kushtetuese.
Ndryshimet në ligj i lënë Presidentit 10 ditë afat për të thirrur në ceremoni betimi një gjyqtar.
Nëse nuk e bën, atëherë gjyqtari e dërgon vetë betimin me shkrim në Gjykatën Kushtetuese.
Maxhoranca e ndërmori këtë nismë pas ngërçit në Gjykatën Kushtetuese në fund të vitit të kaluar, pas rastit të Arta Vorpsit.
Projektligji për Gjykatën Kushtetuese u miratua me 86 vota pro, 13 kundër dhe 7 abstenim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
