Pas vendimit të Kryesisë së Kuvendit që vendosi se ditën e nesërme do të mblidhet parlamenti të votuar Demarkacionin me Malin e Zi, ka reaguar edhe presidenti i Kosovës, Hashim Thaçi.
Kreu i shtetit ka thënë se pret që pret që marrëveshja për kufirin ndërmjet Kosovës dhe Malit të Zi të ratifikohet nga deputetët e Kuvendit të Kosovës ditën e nesërme.
Presidenti Thaçi, nëpërmjet një mesazhi në rrjetin social "Twitter", ka paralajmëruar të mërkurën se votimi i Demarkacionit do të hapte rrugë të reja për kosovarët.
"Nesër pres që të gjithë deputetët në Kuvendin e Kosovës të përqendrohen për t'i mundësuar qytetarëve tanë lirinë e lëvizjes, duke hapur rrugë të reja për studentët tanë dhe duke krijuar mundësi të reja për sipërmarrësit tanë", ka shkruar Thaçi.
Thaçi po ashtu ka thënë se ratifikimi i kësaj marrëveshjeje do ta forconte sovranitetin e vendit.
"Votimi për demarkacionin e kufirit është votë për forcimin e integrimit tonë në BE dhe për forcimin e sovranitetit tonë", ka theksuar presidenti kosovar.
Më parë ishte ambasadori i SHBA në Prishtinë që i bënte thirje klasës politike të Kosovës që të ratifikonte marrëveshjen e demarkacionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
