Një grua 126-vjeçare me 13 fëmijë dhe rreth 400 nipër dhe mbesa është njeriu më i vjetër në botë që fiton luftën me koronavirusin. Gruaja jeton në provincën juglindore të Kahramanmaraş, në Turqi. Sipas të dhënave zyrtare, Eşe Gebelek u shërua nga koronavirusi pas një trajtimi dyjavësh në spital.
"Ata u kujdesën për mua, më trajtuan mirë", tha Gebelek, duke falënderuar mjekët dhe infermierët në spital. Hamdullah Gelebek, fëmija më i vogël i gjyshes Gebelek, tha se ushqimi organik është sekreti i saj i jetëgjatësisë së saj.
“Ajo ka parë fëmijët e nipërve dhe mbesave të nipërve të saj. Ajo zyrtarisht ka 83 nipër e mbesa. Megjithatë, nëse numëroni edhe fëmijët e tyre, numri do të ishte rreth 400", thotë ai.
"Ajo kaloi një javë në njësinë e kujdesit intensiv dhe një javë tjetër në dhomën e spitalit. Pasi u larguam nga spitali, ne e mbajtëm të izoluar për dy javë të tjera. Tani ajo është mirë", tha Meyrem Gelebek, një nga nuset e Eşe Gebelek.
"Falë qumështit, kosit dhe djathit që ajo ka ngrënë tërë jetën e saj, ajo nuk ka probleme të tjera shëndetësore", shtoi ajo. Para Eşe Gebelek, një grua 113-vjeçare në provincën verilindore të Spanjës ishte personi më i vjetër që mundi virusin, sipas të dhënave zyrtare. / Hyrriet Daily News /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
