“Shi me baltë”, Baze: Poezitë e mia kanë identitet përjetimin, lidhen me një ngjarje të caktuar

Gazetari dhe publicisti, Mero Baze i ftuar në emisionin “Të Pekspozuarit” në MCN për të folur mbi librin e tij të ri me poezi, të titulluar “Shi me baltë”, tha se e veçanta e këtij libri është se poezitë kanë identitet përjetimin. Çdo poezi e shkruar nga ai lidhet me një përjetim konkret të tij dhe me një ngjarje të caktuar.

“Poezia ime ndryshe nga shumë poetë, ka identitet përjetimin. Nuk kam asnjë poezi që nuk lidhet me një përjetim konkret, të gjitha ngjajnë me një ngjarje. Natyrisht ajo që të jep më shumë emocion, është humbja dhe shumë lidhen me humbjet që kemi patur në jetë. Shumë poezi lidhen me të afërmit, miqtë, shok, jeta që kemi patur dhe nuk përsëritet më. Njeriu zakonisht përpiqet të tregojë ato që i kanë lënë mbresa dhe nuk i ka më.”