Eralda Baze, me profesion inxhineri e ndërtimit dhe njëkohësisht shkrimtare, pasionin e saj për kostumografinë shqiptare, e ndjek prej kohësh.
E ftuar në studion e programit të mëngjesit “Zgjohu me MCN”, me veshje të zonës së Bendes nga Malësia e Tiranës, së bashku me vogëlushen Kristen që ndjek veshjet popullore, foli për pasionin e saj për kostumografinë shqiptare.
Baze thotë se ka zbuluar 42 veshje tradicionale të vjetra.
Inxhinieria e ndërtimit është profesioni im dhe pasioni por njeriu nuk duhet të ndalet zë zbuluari pasione të tjera.
Jam rritur dhe brumuar me tradita.
Modernizimi i ka lënë në hije traditat, stigma që po paragjykohesh si demode, si arkaike, por ka njerëz që e pëlqejnë. Kam arritur te ndjek këtë pasion, kam gjetur 42 veshje tradicionale në tërë zonat shqiptare.
Veriu qëndron më konservatore në këtë pjesë, në kuptimin e ruajtjes së kostumografisë. Kurse edhe Shqipëria e Mesme, gati e njëjta gjë, por e ka ruajtur në qendra kulturore pse nëpër artizanat private.
Veshja e Hasit të Kosovës është më madhështorja, veshja e Zymit, poashtu, kurse Gjubleta është më impozantja.
Inxhinierja Baze, e ka dokumentuar me fakte procesin e teleisjes në zonën e malësisë së Sharrit, në Tetovë.
Teleisja vjen nga fjala tel. Zonja e lyen telin me pluhur të artë dhe bën vijat që simbolizojnë rrezet e diellit. Si traditë është shumë e lashtë, teleisja e nuses ilire me simbole pagane, sipas besimeve të lashta.
Boja e bardhë simbolizon një figurë të re, një gjë të re, të jetë të re. Faqet e kuqe simbolizojnë zjarrin në familje, nënkupton ngrohtësinë familjare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
