Princi Charles i Anglisë ka marrë 3 milionë euro në dorë midis vitit 2011 dhe 2015 nga Sheikh Hamad bin Jassim bin Jaber al-Thani, ish-kryeministri i Katarit.
Është ky denoncimi i britanikes Sunday Times, në publikimin e së dielës.
Clarence House, rezidenca zyrtare e princit, siguron nga ana e saj se procedurat ligjore janë respektuar dhe se paratë e dhuruara janë transferuar në organizatat bamirëse sponsorizuar nga Charles.
Sipas Sunday Times, një milion euro i janë dhënë kesh në një valixhe princit, ndërsa paratë e tjera ishin futur në qese plastike të dyqanit të ushqimeve Fortnum & Mason në Londër.
Në çdo dërgesë, ndihmësit e princit numëronin faturat dhe më pas telefononin Coutts, një bankë private e cila vepron për familjen mbretërore.
Paratë më pas do të depozitoheshin në llogaritë e Fondit Bamirës të Princit të Uellsit (Pwcf).
Fondi Bamirës i Princit të Uellsit është një fondacion bamirës i Charles, i cili menaxhon organizata të ndryshme bamirësie të dedikuara për “kauza të mira” si arsimi, mbrojtja e mjedisit, shëndeti dhe mbrojtja sociale.
Sunday Times ngre pikëpyetje, pasi shkruan se takimet mes Charles dhe ish-kryeministrit të Katarit nuk kanë qenë pjesë e angazhimeve zyrtare të familjes mbretërore.
Lajmi vjen gjithashtu në një moment delikat, pasi muajt e fundit, donacionet kanë qenë nën vëzhgim nga Shërbimi i Policisë Metropolitane, pasi Charles dyshohet se i ofroi ndihmë një donatori saudit për t’i siguruar atij një nder dhe nënshtetësi britanike, në këmbim të donacioneve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
