“Arrest me burg” caktuar Gjykata e Tiranës paraditen e sotme, për 25-vjeçarin Ludian Zaimi, i cili vrau me armë zjarri kolegun e tij 55-vjeçar Çaush Saliasi, të dy me detyrë oficerë të Patrullës së Përgjithshme, brenda komisariatit nr.3.
Për gazetaren e MCN Tv, Anduena Llabani, avokati mbrojtës i Zaimit tha se seanca për masën e sigurisë u zhvillua me dyer të mbyllura.
Klienti im është i penduar dhe ka qenë në kushtet e tronditjes së rëndë, pasi kanë pasur edhe marrëdhënie shoqërore me viktimën. Prokuroria kërkoi arrest me burg dhe gjykata e pranoi.
Ngjarja është e rëndë, do komunikoj prapë me klinetin dhe do kemi detaje të tjera.
Ndërkohë gazetarja Llabani raportoi se makina e 25-vjeçarit ishte gjetur e ndezur brenda komisariatit në një zonë të ndaluar dhe se brenda saj janë gjetur 30 fishekë.
Këto detaje tregojnë se duket se e kishte menduar mirë ngjarjen, për një bullizëm siç ka pretenduar, apo ngacmim të herë pas hershëm nga viktima, ish-kolegu i tij.
“Arrest me burg” caktoi gjykata edhe për efektivin e Forcave të Ndërhyrjes së Shpejtë, Lutfi Gjylën, i cili në ambientet e jashtme të një lokali plagosi me armë zjarri në këmbë Murteza Lika rreth 55 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
