Kryetarja e LSI-së i ka quajtur përfaqësues të oligarkisë zëvendësiminstrat e qeverisë “Rama 2”, një ditë pasi emrat e tyre u bënë të ditur në Asamblenë e Partisë Socialiste, gjatë një takimi me strukturat e LSI-së në Durrës, Monika Kryemadhi akuzoi Ramën për korrupsiontë madh përmes një qeverie të vogël.
“33 zv.ministra në qeveri? Rama vërtetoi shprehjen qeveri e vogël, korrupsion i madh. 33 zv.ministrat nuk janë socialistë, por përfaqësues të oligarkëve për të mbrojtur interesat e tyre”, tha kryetarja e LSI-së.
Më tej, Kryemadhi akuzoi Ramën se nuk i përkrah njerëzit e thjeshtë.
“Edukata politike në këto 27 vjet e bazuar te konflikti dhe mohimi dhe kundërshtimi i gjithçkaje. Ne duam të sjellim risi dhe t’i japim fund kësaj tradite. Opozita jonë e bazuar te alternativat. Ne nuk duam të përfaqësojmë grupe interesi të mafiozëve dhe oligarkëve, por grupe interesi që lidhen vetëm me interesat e drejtpërdrejta të qytetarëve. Edi Rama sulmon njerëzit e thjeshte, sepse i urren dhe ka neveri për ta”, deklaroi Kryemadhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
