Ish-zëvendësdrejtori i Përgjithshëm i Agjencisë Kombëtare të Shoqërisë së Informacionit (AKSHI), Daniel Shima, është rikthyer në shtëpi, disa orë pasi u raportua i zhdukur nga familjarët.
Mësohet se në dëshminë e tij pas kthimit në banesë, Shima ka sqaruar se ishte larguar drejt Jugut pas një konflikti që kishte patur me partneren e tij.
Ai nuk ka dhënë detaje të tjera lidhur me mesazhin që i kishte dërguar familjes dhe pretendonte se po arrestohej nga policia. Ishte nëna e tij që e denoncoi të zhdukur Daniel Shimën pasditen e së mërkurës, në Komisariatin nr.1 në Tiranë.
Në njoftimin e Policisë thuhet: "Në vijim të informacionit të dhënë ditën e djeshme, për kallëzimin e shtetases M. Sh, për humbjen e kontakteve me djalin e tij, shtetasin D. Sh., 34 vjeç, bëjmë me dije se rreth ores 02:00, ky shtetas është paraqitur në Komisariatin e Policise Nr. 1 dhe ka deklaruar se ishte larguar me dëshirën e tij".
"Po më arrestojnë", thuhet se ka qenë mesazhi i Daniel Shimës për familjarët, para se ai të denoncohej i zhdukur nga nëna e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
