Ish-ministri Sajmir Tahiri është paraqitur mëngjesin e kësaj të premteje në Prokurorinë e Posaçme.
Sipas burimeve të MCN Tv, Tahiri është thirrur në SPAK si person në dijeni për çështjen e 21 janarit.
Ditën e djeshme, po për të njëjtën çështje u paraqit në SPAK, Xhemal Qefalia, për t’u pyetur si organizator i protestës.
Tahiri në një prononcim për mediat pasi doli nga dyert e SPAK tha:
"U pyeta për rolin që kam pasur në datën 21 janar dhe kallëzimin që kam bërë në vitin 2015. I qëndroj pikë për pikë asaj që kam thënë. Roli im ka qenë protestues. Të gjithë kemi qenë protestues. Është një ngjarje që duhet zbardhur".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
