Një efektiv i forcave speciale RENEA, Xhulio Liçi është arrestuar nga seksioni i hetimit të narkotikëve në Policinë e Tiranës pasi është kapur me 1 kilogramë kokainë. Sipas informacioneve paraprake, operacioni është zhvilluar nga Policia e Tiranës, ndërsa në pranga mësohet se janë vënë edhe dy bashkëpunëtorët e efektivit Liçi.
Burimet bëjnë të ditur se kjo çështje është ende nën hetim, ndërsa po kryen kontrolle në banesat e të arrestuarve. Është bërë sekuestrimi i celularëve të të arrestuarve, ndërsa po hetohen të gjitha kontaktet e tyre për të dalë në një përfundim më të detajuar mbi veprimtarinë e efektivit të RENEA-s dhe jo vetëm.
Në vijim, burime nga policia thanë se do të ketë një komunikim për shtyp lidhur me këtë operacion.
Vijon…
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
