Gazetari Lirim Zalla, foli në emisionin “Skaner” në MCN TV, për kualifikimin e Shqipërisë në Europian.
Sipas tij, trajneri Silvinjo besonte te suksesi, ndërsa shtoi se ndeshja në Poloni ishte më e bukura e kuqezinjve, pavarësisht humbjes.
Zalla i kërkoi ndjesë portierit Etrit Berisha, për paragjykimet e bëra, në fillim të kualifikueseve.
Unë mendoj se Silvinjo e besonte këtë sukses. Një nga pikat e forta, ishte besimi i tij. Në Poloni, ishte një nga ndeshjet më të bukura të Kombëtares.
Unë e admiroj punën që trajneri Silvinjo ka bërë. Besimi është një nga armët më të forta të tij. Unë i kërkoj ndjesë portierëve të Shqipërisë, pasi isha mosbesues ndaj tyre, sepse nuk po luanin shumë.
Ndodhi ndryshe, ishte pikërisht Berisha, portieri që na ka dhënë pikë dhe na ka shpëtuar. I kërkoj ndjesë Berishës që e paragjykova. Besimi ishte thelbi i Silvinjos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
