Ish-deputetja e LSI-së, Kejdi Mehmetaj, ishte e ftuara e radhës në studion e “Stay Tunned”. E pyetur për vendimin e LSI-së për t’u ulur me maxhorancën dhe përfaqësues të tjerë të opozitës për reformën zgjedhore, Mehmetaj tha elektorati i partisë nuk është i zhgënjyer. Sipas Mehmetajt, të zhgënjyer janë vetëm ata që i shërbejnë kryeministrit.
"Janë zhgënjyer vetëm ata që bëhen personazhe falë krizave. Ca në parlamentin ilegjitim apo lart e poshtë që paguhen për të dhënë ushqim të përditshëm për thashetheme dhe mediat apo kushdo që i shërben Edi Ramës", tha Mehmetaj
Mehmetaj e vuri theksin te thirrja e OSBE-ODIHR për t’u bërë pjesë e tryezës.
“Nuk është thjesht ulje në tryezë. Nëse i kthehemi kujtesës në tetor të vitit të kaluar, OSBE na thirri në një tryezë”, tha Mehmetaj.
Nënkryetarja e LSI-së shtoi se reforma zgjedhore domosdoshmërisht duhet të bëhet me ndërmjetësues ndërkombëtar.
Ndërsa e pyetur për opozitën parlamentare, pjesë e të cilës janë edhe deputetë të rinj nga LSI-ja që përfituan nga vakancat e krijuara pas heqjes dorë nga mandatet e deputetëve të kreut të listave, Mehmetaj nuk e kurseu ironinë.
“Edhe njerëzit që ne kemi zgjedhur dikur, sot janë të Edi Ramës dhe i shërbejnë atij. Ka njerëz me karakter, ka edhe njerëz të vegjël që përdoren, shiten e blihen”, tha ajo duke iu referuar asaj që quhet opozita e re.
Pjesëza nga intervista në studion e "Stay Tunned" me gazetaren Valbona Mëhilli
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
