Mijëra izraelitë nisën paraditen e sotme të mblidheshin masivisht për të bërë nderime përpara arkivolit të Shimon Peresit, i vendosur në ndërtesën e parlamentit në Jeruzalem për t’i dhënë lamtumirën e fundit nobelistit të Paqes.
Ceremonia e homazheve nisi me vendosjen e kurorave me lule në pjesën e sipërme të arkivolit i mbuluar nga flamuri blu me të bardhë nga presidenti Reuven Rivlin, kryeministri Benjamin Netanyahu, kreu i parlamentit Yuli Edelstein dhe lideri i opozitës Isaac Herzog.
Peres vdiq të mërkurën në mëngjes, në gjumë, në moshën 93-vjeçare, në spital, pas goditjes nga një ishemi cerebrale më 13 shtator.
Në orën 09:00 dyert e kompleksit u hapën për qindra persona të panjohur që prisnin me padurim në pjesën e jashtme.
Një fluks i shumtë personash mundën të afroheshin pranë arkivolit pasi kishin kaluar kontrollet e sigurisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
