Rusia rriti sigurinë në urën e saj të vetme drejt Krimesë pasi një shpërthim i madh shkatërroi pjesë të saj të shtunën.
Presidenti Vladimir Putin ka urdhëruar tani Shërbimin Federal të Sigurisë të vendit (FSB) të mbikëqyrë urën kyç me gadishullin e pushtuar.
Ura është gjithashtu një simbol kryesor i aneksimit rus të Krimesë në vitin 2014.
Si pasojë e shpërthimit mbetën të vrarë tre persona, bënë me dije hetuesit rusë. Zyrtarët thanë se puna për rregullimin e pjesëve të dëmtuara do të fillojë menjëherë.
E konsideruar nga mediat ruse si "ndërtimi i shekullit", ura ka qenë vendimtare për Rusinë për lëvizjen e pajisjeve ushtarake, municionit dhe trupave në Ukrainën jugore.
Imazhet e reja satelitore të publikuara të shtunën treguan tym dhe zjarr pranë zonave të shembura të urës, e cila u ndërtua me shumë bujë katër vjet pasi Moska aneksoi Krimenë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
