Ministri i Jashtëm i Serbisë, Ivica Daçiç, duke sqaruar para medieve serbe moshapjen e Kapitullit 26, që ka të bëjë me arsimin e kulturën, ka zbrazur vrer kundër Kroacisë, duke mallkuar edhe Bashkimin e Europian “ku fjalën kryesore e ka Kroacia”.
“Mjerë BE-ja ku Kroacia e ka fjalën kryesore”, është shprehur Daçiç, transmeton Koha.net.
“Nuk mund ta besoj se si një BE e fuqishme nuk mund të ndikojë në Kroacinë dhe Bullgarinë sa i përket Kapitullit 26. Vlerat e BE-së shkelën çdo ditë në Kroaci, por të presim...” , ka thënë Daçiç në TV publik të Serbisë, RTS.
“Nuk bëhet më fjalë për veprimet një qeverie të caktuar por për një atmosferë antiserbe. As kjo Qeveri i Kroacisë nuk e ka ndryshuar kursin e tillë ndaj Serbisë. Edhe Bullgaria kishte rezerva të caktuara rreth Kapitullit 26, por është lehtë që në Kushtetutë të shkruarsh se nuk ke pakica kombëtare, siç ka bërë Bullgaria, e pastaj flet për pakicën e vet në Serbi”, ka thënë Daçiç.
Siç është shprehur ministri i Jashtëm serb “BE duhet të ketë kujdes rreth asaj që e bën tërheqëse” si dhe që ta di se Beogradi me gjithë përcaktimet e veta eurointegrues asnjëherë nuk do të krijojë nga Serbia “shtet antirus”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
