Kryetari i Partisë së Lirisë, Ilir Meta ka shkuar ditën e sotme në selinë e Partisë Demokratike për të takuar kryedemokratin Sali Berisha. Takimi mes tyre i nisur rreth orës 11.30 vjen një ditë pas rezultatit të zgjedhjeve të pjesshme të Rrogozhinës, ku fitoi kandidati socialist Edison Memolla, përballë kandidatit të opozitës Shkëlqim Hoxha. Nuk dihet qëllimi i takimit mes dy liderëve të opozitës, ndërkohë që mendohet se në fokus të bisedës të jetë aksioni i ardhshëm opozitar. Lidhur me zgjedhjet në Rrogozhinë, Berisha i cilësoi një ditë më parë si “farsë elektorale”, duke thënë se u konstatuan manipulime të hapura, fletë votimi të përgatitura paraprakisht, fotografim i fletëve të votimit në qendrën e votimit, votime në grupe dhe votime familjare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
