Panairi i Librit ka ulur dje siparin pas 5 ditësh aktivitete. Rreth 80 mijë persona përllogaritet të kenë vizituar Panairin e Librit gjatë pesë ditëve. Ashtu si edhe vitet e kaluara, romani mbetet gjinia më e preferuar nga lexuesit. Shtëpitë Botuese kanë nisur të bëjnë bilancet, ndërsa paraprakisht shumica shprehen të kënaqura me shitjet, raporton “Ora”.
“Pushteti” i Blendi Fevziut kryeson renditjen e titujve më të shitur në Panairin e Librit 2016, i pasuar nga “Kryeministri” i Ben Blushit. Të dhënat nuk janë ende zyrtare, por Shtëpia Botuese që është e njëjta për të dy librat thotë se shitjet kanë kaluar 3500 kopje për titull. “Mikesha gjeniale” e Elena Ferrante me rreth 1800 kopje të shitura dhe pseudoromani i Edmond Tupes ‘Po shkoj të kap Enisin’, me rreth 1200 kopje vijojnë listën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
