Vitet e tejzgjatura të tranzicionit shqiptar kanë prodhuar veç të tjerave edhe një dramë sociale. Paaftësia për të gjallëruar ekonominë e vendit, keqshfrytëzimi i vazhdueshëm i pasurive natyrore e kombëtare, betejat e pakuptimta politike, që kanë degjeneruar deri në përplasje me armë, kanë patur pasoja të rënda për qytetarët.
Nëse ka një tregues që e tregon qartë përmasën e kësaj drame sociale është emigracioni. Në kulturën shqiptare emigracioni i ka rrënjët e thella, aq sa konsiderohet dhe si vetë traditë. Një eksod me përmasa biblike që tejkalon dhe shtrirjen kohore të një shekulli deri në ditët e sotme. Vetëm në 25 vite tranzicion më shumë se një e treta e popullsisë së vendit nuk jeton më në Shqipëri.
Për të krijuar një vizion të sa më të plotë të fenomenit, gazetarja Luljeta Progni sjell për shikuesit e TemA TV një speciale të dedikuar emigrimit të shqiptarëve dhe realitetit të vështirë që lënë pas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
