Ish-ministri i Shëndetësisë, Ilir Beqaj, ka reaguar për herë të parë pas vendimit të Gjykatës për zëvendësimin e masës së sigurisë nga paraburgimi në "arrest në shtëpi", duke e cilësuar qëndrimin e tij në paraburgim si të pajustifikuar.
Në reagimin e publikuar, Beqaj shprehet se nuk ka qenë asnjëherë "i burgosur", pasi nuk ka një vendim të formës së prerë ndaj tij, por ka qëndruar për 25 muaj në paraburgim në kuadër të hetimeve të SPAK.
"Gjykata vendosi se qëndrimi im në paraburgim nuk mbështetej më në dispozitat e procedurës penale. Afatet ligjore të paraburgimit kishin përfunduar.
Ai pretendon se gjatë 15 muajve të fundit ka qenë "padrejtësisht në paraburgim", ndërsa thekson se ndaj tij nuk ekziston ende asnjë vendim dënues, qoftë edhe në shkallën e parë.
"Kam qëndruar padrejtësisht në paraburgim gjatë 15 muajve të fundit. Ende nuk kam asnjë dënim, as në shkallën e parë.
Beqaj shton se aktualisht përballet me tri procedime penale në SPAK, por sipas tij, hetimet nuk kanë provuar pasurim të paligjshëm.
"Gjatë gjithë këtyre hetimeve nuk është gjetur as edhe një qindarkë apo një cent që të tregojë se pasuria ime është shtuar në mënyrë të paligjshme.
Në fund të reagimit, ai shprehet i lumtur që është rikthyer pranë familjes dhe thotë se në shtator do të marrë pjesë në proceset gjyqësore jashtë kafazit të sigurisë.
Beqaj pati edhe një koment për ish-kryeministrin Sali Berisha, duke iu referuar deklaratave të këtij të fundit.
"Nuk do t'i përgjigjem këtu, sepse në vjeshtë do t'i jap mundësinë të thotë edhe më shumë, kur të vijë si dëshmitar në procesin për koncesionin e instrumenteve kirurgjikale.
Reagimin e mbyll me mesazhin: "Pushime të mbara! Rishihemi në shtator."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
