Një e treta e punonjësve të Kombeve të Bashkuara kanë pranuar se janë ngacmuar seksualisht vitet e funti. Ky është rezultati i një sondazhi të brendshëm.
Sekretari i përgjithshëm i OKB-së, Antonio Guterres, në një letër drejtuar personelit, shprehet se “sondazhi na bën të reflektojmë se ca gjëra duhet të ndryshojnë”.
Rreth 33% e të intervistuarve kanë referuar të paktën një rast ngacmimi seksual në dy vitet e fundit, por shifra arrin në 38.7% për ata që kanë hasur një forma të ngacmimit seksual gjatë të gjithë përvojës së tyre në Kombet e Bashkuara.
Rasti më i zakonshëm ka të bëjë me histori apo batuta me sfond seksual ofensiv apo komente të tilla për pamjen e jashtme apo aktivitetin seksual.
Punonjësit e OKB-së kanë raportuar se janë përballur me tentativa për t’u përfshirë në diskutime mbi çështje që kanë të bëjnë me seksin, gjeste offensive dhe prekje.
Sondazhi është kryer nga Deloitte në nëntor të vitit 2018.
Dy nga tre personat që raportohen si ngacmues janë meshkuj dhe një në 4 është drejtues.
Në sondazh kanë marrë pjesë 30 364 mijë punonjës, që kanë plotësuar një pyetësor konfidencial online.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
