Janë të panumërta gjërat që do ta habisnin pa masë një person që udhëton në kohë (nëse kjo do të ishte e mundur) nga viti 2009 në vitin 2019. Por më e reja është ajo e Linux-it që do të përfshihet në versionin më të fundit të Windows-it.
Microsoft aktualisht ofron Windows Subsystem për Linux për përdoruesit e Windows që duan shërbimin e këtij programi në kompjuterat e tyre.
Por ajo që i ka çuar gjërat një hap më tutje është ndërtimi i versionit të vet të programit që qëndron në bazë të sistemit operativ, Linux, i projektuar posaçërisht për të punuar me Windows. "Kjo është hera e parë që Linux do të përfshihet si një komponent në Windows", thotë Jack Hammons, menaxher i programit për Grupin Linux Systems në Microsoft.
Ky zhvillim vjen dhjetë vjet pasi Microsoft i habiti të gjithë me driver-in për programin Linux, çka shënoi miratimin e konceptit të licencimit të softuerëve open-source dhe fillimin e fundit të marrëdhënieve të konkurrencës së ashpër mes Microsoft dhe Linux. Që atëherë, Microsoft nuk e ka “braktisur” më Linux-in, duke e bërë pjesë të shërbimit të tij Cloud Computing në vitin 2012 dhe më pas prioritet të kompanisë nën drejtimin e Satya Nadella.
Ata që përdorin programin Windows Insider do të kenë akses në këtë risi në fund të qershorit. Microsoft lançoi versionin e vet të Linux-it vitin e kaluar, kur prezantoi Azure Sphere, por një program i plotë Linux që operon brenda Windows-it është një hap shumë më i madh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
