Moti i keq ka shkaktuar vonesa në nisjen dhe mbërritjen e trageteve në portin e Durrësit. Për shkak të kushteve aspak të favorshme detare, një nga tragetet e linjës Bari-Durrës që duhej të mbërrinte në mëngjes në Durrës, ka shtyrë lundrimin dhe është nisur drejt portit shqiptar mëngjesin e sotëm dhe parashikohet të mbërrijë pas orës 14:00. Rreth pesë mijë pasagjerë pritet të mbërrijnë në Durrës në orët në vijim.
Përkeqësimi i motit përkon me periudhën kur rritet fluksi i kthimit në Shqipëri të emigrantëve që jetojnë në vendet fqinje si Italia.
Moti i keq ka ndikuar edhe në transportin detar me anije të tonazhit të rëndë dhe në peshkim. Këto dy aktivitete janë pezulluar deri në përmirësimin e kushteve të motit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
