“Zgjedhje pa opozitën nuk mund të ketë pasi do të ishin farsë”.
Kjo deklaratë është bërë nga Nënkryetari i Lëvizjes Socialiste për Integrim Luan Rama i cili ka komentuar aktualitetin politik.
Në fjalën e tij Rama e cilësoi si emergjente dialogun me PD me qëllim zgjidhjen e ngërçit politik.
“Ne kërkojmë kapërcimin e këtij ngërçit politik. Nga mitingjet nga çadra apo nga zyra duhet të arrihet një dialog politik. Është absurde situata e krijuar nga opozita”. theksoi Rama.
Prej ditësh tashmë Kryeministri Edi Rama ka shprehur vullnetin e PS për të mbajtur zgjedhjet parlamentare të 18 Qershorit, qoftë edhe pa opozitën.
I pyetur se cili do te jete qendrimi i LSIse ne Kuvend per dekretimin e Xhafajt si minister i Brendshem, Luan Rama tha se “Çështja e ndryshimit të ministrave është e drejtë eksluzive e kryeministrit. LSI asnjëherë nuk është imponuar, asnjëherë nuk ka kërkuar as LSI dhe as kryetari, nuk kemi kërkuar të largohet ky apo ai ministër. Duke qenë se respektojmë tagrin kushtetutes, çështja e votimit është procedurë e karakterit formal dhe nuk besoj se LSI të ketë arsye ose motiv të votojë ndryshe kur është fjala për votim të ministrave”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
