Ngjarja e rrallë kozmike/ Pesë planetë do të shihen me sy të lirë më 28 mars

Astronomët janë në pritje këtë muaj pasi pesë planetë të sistemit diellor do të jenë të dukshëm nga Toka si pjesë e një shtrirjeje të rrallë planetare.\

 Më 28 mars, Jupiteri, Mërkuri, Urani, Marsi dhe Afërdita pritet të rreshtohen së bashku në një pjesë të vogël të qiellit pas perëndimit të diellit.

Dy nga planetët më të shndritshëm, Mërkuri dhe Jupiteri do të jenë të dukshme pranë horizontit, ndërsa Aferdita pritet të shkëlqejë më lart në qiell.

Vitin e kaluar, astronomët në hemisferën veriore patën mundësinë të shihnin Merkurin, Afërditën, Marsin, Jupiterin dhe Saturnin.

“Njerëzit me një pamje të papenguar të horizontit dhe qiell të pastër do të kenë shanset më të mira për të parë Jupiterin dhe Mërkurin”, thotë Rick Fienberg, redaktor i lartë kontribues i revistës “Sky & Telescope”.

Prisni derisa dielli të perëndojë dhe pastaj dilni dhe shikoni poshtë në atë pjesë të ndritshme të qiellit ku dielli sapo ka perënduar me dylbi, dhe ju duhet të shihni Jupiterin më të ndritshëm pranë Mërkurit më të zbehtë.

Afërdita, më e shndritshmja e grupit, do të jetë lart në qiell dhe më e lehtë për t’u dalluar, shtoi ai, ndërsa Urani aty pranë mund të duket i zbehtë dhe të jetë i dukshëm vetëm me dylbi. Marsi i kuqërremtë do të shkëlqejë fort pranë hënës.

Planetët pritet të rreshtohen në 50 gradë, që do të thotë se ata do të shfaqen më afër njëri-tjetrit nga Toka në një zonë të vogël. Ky fenomen vizual ndryshon nga një shtrirje astronomike, e cila i referohet kur planetët bashkohen njëkohësisht në të njëjtën anë të diellit.

Ngjarje të tilla nuk janë të rralla, por diçka e tillë nuk do të ndodhë përsëri deri në vitin 2040.