Kryeministri Edi Rama foli shkurt në nisje të takimit të Komunitetit Politik Europian, në Pragë të Çekisë ku do të diskutohet lidhur me situatën në Ukrainë, por edhe krizën energjetike.
Rama deklaroi se kjo nuk është një ide e re, por një ide e vjetër e rikthyer në kohë krize.
Takimi do të vazhdojë dhe shpresoj të ndërtojmë diçka për njerëzit tanë. Kjo ide rilindi pasi pati një krizë, shpresoj të mos ketë një krizë tjetër për të pasur një tjetër takim dhe për t’u mbledhur.
Nga ky takim do të bëjmë përpara dhe do të vijojmë të ndërtojmë diçka shumë të rëndësishme për komunitetin e madh të shteteve europiane por edhe njerëzve.
Ndër të tjera ai shtoi se Shqipëria është pjesë e një rajoni që është Ballkani Perëndimor, i rrethuar nga shtete europiane, duke e quajtur thelbësore që teksa nuk jemi Bashkimit Europian, të jenë në këtë takim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
