Fier- Disa persona kanë sulmuar shërbimet Operacionale të Policisë së Shtetit dhe hetuesit e Byrosë Kombëtare të Hetimit (BKH), ndërsa këta të fundit ndodheshin në terren në kuadër të një operacioni.
Sipas informacionit paraprak të Policisë së Shtetit, ngjarja ndodhi rreth orës 19:20, në aksin rrugor Fier – Patos, kur punonjësit e Drejtorisë së Forcës së Posaçme Operacionale dhe hetuesit e BKH-së janë goditur për shkak të detyrës nga disa persona të cilët janë identifikuar dhe shoqëruar menjëherë në polici.
Sipas informacioneve të MCN Tv, Shkëlqim Kapllanaj i ka kërkuar hetuesve të BKH-së shpjegime për vendin ku ata kishin parkuar.
Ngjarja është duke u hetuar nga Prokuroria e Fierit, ndërsa nuk ka ende informacion nëse ndonjë nga efektivët ka mbetur i lënduar.
Autoritetet po vijojnë hetimet për të zbardhur rrethanat e plota të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
