Disa sensorë thuhet se kanë dalë në brigjet britanike, ndërsa të tjerë janë parë në det nga Marina Mbretërore. Këto pajisje, të cilat i atribuohen Moskës, synojnë të monitorojnë nëndetëset bërthamore të Mbretërisë së Bashkuar.
Sensorët rusë, të dyshuar se ishin instaluar nga Moska për të spiunuar nëndetëset bërthamore britanike, janë zbuluar në det rreth Mbretërisë së Bashkuar, sipas një investigimi të botuar të dielën nga gazeta The Sunday Times.
Sipas gazetës, disa nga këta sensorë u zbuluan në bregdet, ndërsa të tjerët u vendosën nga Marina Mbretërore .
Zyrtarët ushtarakë dhe të inteligjencës thanë për Sunday Times se besonin se sensorët ishin instaluar për të mbledhur informacion mbi katër nëndetëset bërthamore që ushtria britanike zotëron.
“Nuk ka dyshim se një luftë po shpërthen në Atlantik. Është një lojë mace dhe miu që ka vazhduar që nga fundi i Luftës së Ftohtë dhe po intensifikohet përsëri,” tha një zyrtar i ushtrisë, i cituar në mënyrë anonime.
Gjatë investigimit, Sunday Times pretendon se ka zbuluar automjete ruse pa pilot të fshehura pranë kabllove të komunikimit nënujor, ndërsa sipas Ministrisë së Mbrojtjes, jahte që u përkasin oligarkëve rusë mund të jenë përdorur për të kryer operacione zbulimi nënujore.
Janarin e kaluar, anija ruse e vëzhgimit Yantar kishte hyrë në ujërat britanike dhe ishte parë në Kanalin Anglez.
Ministri i Mbrojtjes John Healey paralajmëroi më pas Presidentin Vladimir Putin se Londra nuk do të hezitonte të ndërmerrte “veprime të forta për të mbrojtur Mbretërinë e Bashkuar” .
Disa kabllo nënujore telekomunikacioni dhe energjie janë dëmtuar muajt e fundit në Detin Baltik. Udhëheqësit dhe ekspertët evropianë dyshojnë për akte sabotimi të orkestruara nga Rusia, akuza të mohuara nga Moska.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
