Kreu i ri i LSI-së, Petrit Vasili, ka qenë i pranishëm thuajse në të gjithë takimet që kreu i Kuvendit, Ilir Meta, dhe kryeministri Rama kanë zhvilluar herë pas herë.
Në emisionin “Studio e Hapur” me gazetaren Eni Vasili në “News24”, Vasili ka treguar detaje nga këto takime dhe bisedat që zhvilloheshin.
Duke u ndalur tek darka e shumëkomentuar në një restorant tek Pazari i Ri, ministri Vasili ka treguar edhe disa momente interesante të bisedës mes të pranishmëve.
Ai mohon që gjatë këtyre takimeve të jetë diskutuar zgjedhja e Ilir Metës, President i vendit. “Në takimet RamaMeta nuk është folur për zgjedhjen e kreut të LSI si president i vendit. Kjo nuk është diskutuar asnjëherë në këto takime.
Duke qenë se me rëndësi ishte stabiliteti i vendit vendimet për zgjedhjen e Presidentit u morën me shpejtësi.
Me djegien e tre raundeve për zgjedhjen e presidentit, gjërat ndryshuan.
Në takimet RamaMeta sigurisht që nuk diskutohej vetëm për politikë. Bisedohej për tema të ndryshme.
Në darkën në zonën e Pazarit të ri, ndër të tjera u diskutua për rikonstruksionin e zonës së Pazarit të Ri, investimet e bëra, projektet.
Shkëmbyem edhe kujtime. Unë si më i vjetër në moshë, kujtova edhe disa gjëra më shumë”, u shpreh Vasili.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
