Policia ka arrestuar një 19-vjeçar me iniciale O.E në dalje të qytetit të Lezhës, teksa transportonte me automjetin e tij tip "Volkswagen”, 4 emigrantë nga Vendet e Treta, që ata të kalonin ilegalisht drejt Malit të Zi, me destinacion final, vendet e BE-së.
Në cilësinë e provës materiale u sekuestrua automjeti me të cilin transportoheshin emigrantët.
Njoftimi: Transportonte nga Tirana, drejt Shkodrës, emigrantë nga vendet e treta, kapet në flagrancë dhe arrestohet 19-vjeçari.
Sekuestrohet automjeti me të cilin transportoheshin emigrantët.
Specialistët e Seksionit për Hetimin e Trafiqeve të Paligjshme të DVP Lezhë, në bazë të informacioneve të siguruara nga inteligjenca policore, për një shtetas që transportonte emigrantë, me automjetin e tij, që ata të kalonin ilegalisht kufirin me Malin e Zi, kanë finalizuar operacionin policor të koduar “Befasia”, si rezultat i të cilit u vu në pranga shtetasi O. E. 19 vjeç, banues në Tiranë.
19-vjeçari u kap në flagrancë në dalje të qytetit të Lezhës, teksa transportonte me automjetin e tij tip "Volkswagen”, 4 emigrantë nga Vendet e Treta, që ata të kalonin ilegalisht pkk, drejt Malit të Zi, me destinacion final, vendet e BE-së.
Në cilësinë e provës materiale u sekuestrua automjeti me të cilin transportoheshin emigrantët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
