Pasi gjykata e Posaçme i dha të drejtë ish-ministrit të Shëndetësisë Ilir Beqaj që 602 fashikujt t’i marrë në mënyrë elektronike, këtë të hënë ai është paraqitur në Prokurorinë e Posaçme ku ka dorëzuar një hard disk me qëllim marrjen e materialeve.
E njëjta procedurë do të bëhet edhe për 8 persona e tjerë në këtë proces që janë marr të pandehur nga SPAK për dosjen e sterilizimit.
SPAK vendosi një shifër prej afro 1 milionë lekësh të reja për person nëse duan t’i marrin fashikujt e dosjes.
Kjo gjë u kundërshtua nga gjykata për të cilën togat e zeza i thanë të drejtën palës mbrojtëse që materialet në këtë fazë t’i marrin falas, duke i kursyer lekët Beqaj, Ilir Rrapajt, Klodjan Rrjepajt e persona të tjerë në proces.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
