Pandemia e kosonavirusit ka shkurtuar 17 mijë vende pune në Shqipëri. Në një komunikim për mediat, guvernatori i Bankës së Shqipërisë, Genc Sejko, tha se ka një rënie të të gjithë treguesve ekonomikë.
“Pandemia e koronavirusit ka goditur ekonominë shqiptare. INSTAT thotë se ekonomia shqiptare u tkurr me 2.5 për qind, duke rënë eksportet. U rrit papunësia me mbi 11 për qind. Eksportet e mallrave kanë pësuar rënie. Importet u reduktuan me 30 për qind. Janë humbur 17 mijë vende pune. Inflacioni është rritur”, tha Sejko.
Edhe për vitin pasardhës, parashikimet nuk janë optimiste. Kjo të paktën deri në gjysmën e dytë të vitit. “Ekonomia shqiptare pritet që të pësojë rënie më 2021. Aktiviteti ekonomik do të ngadalësohet në tremujorin e dytë dhe t’i kthehet rritjes më 2021. Në gjysmën e dytë të vitit 2021 do të ketë një stabilizim të ekonomisë”, tha Sejko.
Sejko shtoi se politikat e ndërmarra e kanë zbutur krizën, megjithatë borxhi publik është rritur. Ai tha se BSH do të vijojë të ndjekë politika lehtësuese.
“Qëndrimi aktual i Bankës së Shqipërisë është i duhuri dhe kjo u vendos nga Këshilli Mbikëqyrës. Politika monetare do të vijojë të jetë lehtësuese”, tha Sejko, duke theksuar në fund se, rikthimi i një vale të dytë të pandemisë do të rriste problemet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
