Deputetja demokrate Jorida Tabaku në një lidhje skype me studion e lajmeve në MCN ka komentuar lidhur me vendimin e gjykatës kushtetuese e cila ka pranuar pjesërisht kërkesën e PD por nuk e ka shfuqizuar Bordin e Karburanteve. Tabaku tha se me këtë vendim Kushtetuesja ia lë në dorë qeverisë vendimin për shkrirjen e Bordit, ndërsa e konsideroi atë një vendim me standard të dyfishtë. Sipas saj, shqiptarët paguan 600 milionë euro taksa shtesë.
Kisha gjykuar se duke pasur vendimin e bordit të ushqimeve gjykata kushtuese do merrte të njëtin vendim. Ndërkohë që kushtetuesja nuk e rrëzoi plotësisht ngritjen e bordit por mori një vendim duke e konsideruar jo kushtetues vetëm afatin kohor. Kështu që do doja që gjykata kushtetuese të merrte një vendim më të fortë dhe ja la në dore qeverisë shkrirjen e bordit kështu që shoh me dy standarde. Që në momentin e parë që është krijuar bordi kam thënë se është bord komunistë. Në një treg që është totalisht i kontrolluar dhe i përqendruar në pak kompani, përcaktimi i çmimit me bizneset në tryezë ka bërë që gjithmonë çmimet të ishin në favor të bizneseve. E ardhura 600 mln euro shtesë ka ardhur si rezultat i rritjes së karburantit e cila ka shkuar te biznesi dhe buxheti i shtetit. Taksat që vendosen në varësi të çmimit janë taksa shtesë që janë paguar nga shqiptarët.
Ndërsa e pyetur për deklaratat e kryeministrit se Shqipëria mund të dalë nga juridiksioni i Gjykatës së Arbitrazhit, Tabaku tha se sulmi ndaj medias është një papërgjegjshmëri e jashtëzakonshme.
Sulmi ndaj mediave që po reflektohet tani me fatura të rënda ndaj arbitrazhit është papërgjegjshmëri e jashtëzakonshme dhe kjo ka ndodhur tashmë me dy televizione. Dhe përveç këtyre mediave, fatura e arbitrazhit është rritur dhe me vendime të tjera të qeverisë që kanë qenë të gjitha abuzive. Unë e konsiderova arrogancë, thjeshtë një formë presioni për të dalë nga gjykata, kjo dëmton shumë klimën e të bërit biznes dhe kështu besoj se është si ato deklarata që harrohen pas tre ditësh dhe është bërë thjeshtë në panik e sipër nga faturat e arbitrazhit që kërcënojnë qeverinë shqiptare
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
