Emigracioni i parregullt në kufijtë e jashtëm të Bashkimit Evropian ka rënë në nivelim më të ulët të 6 viteve të fundit në 2019, sipas statistikave të Frontex.
Të dhënat paraprake të agjencisë kufitare dhe rojevr bregdetare të Bllokut zbuluan se kalimet e paligjshme të kufirit përgjatë kufijve të jashtëm të BE-së ranë me 6% nga viti në vit në 139 000 vitin e kaluar, niveli më i ulët që nga viti 2013.
"Kjo është 92% nën numrin rekord të vendosur në vitin 2015", kur kriza e migrantëve dhe refugjatëve ishte në kulmin e saj, bën të ditur Frontex në një deklaratë.
Sipas agjencisë, ky ndryshim i atribuohet një rënieje prej 41% të numrit të migrantëve të parregullt që kalojnë Mesdheun qendror - të përdorur nga shtetasit e Tunizisë dhe Sudanit - dhe një rënie prej 58% në ato të zbuluara në Mesdheun Perëndimor, i cili kryesisht përdoret nga marokenët dhe algjerianët.
Sidoqoftë, rrugët e Mesdheut Lindor dhe Ballkanit Perëndimor "panë presionin migrator në rritje duke nisur nga pranvera". Kjo rezultoi në rritje të numrit të përgjithshëm të zbulimeve prej 46% për të parët dhe mbi 50% për këtë të fundit. Afganët dhe sirianët ishin nacionalitetet kryesore që i përdornin këto dy rrugë.
Në përgjithësi, afganët rezultojnë kombësia kryesore në migrantët e parregullt të mbërritur në Europë vitin e kaluar, duke përbërë gati një të katërtën e të gjithë mbërritjeve, gati tre herë më shumë se shuma e regjistruar një vit më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
